У Мінскай вобласці з'ехаў у кювет рэйсавы аўтобус, які ехаў у Вільню
ДТЗ з удзелам пасажырскага аўтобуса ў Валожынскім раёне / @minobl_uvd
ДТЗ з удзелам рэйсавага аўтобуса, які ехаў у Вільню, адбылося сёння раніцай недалёка ад Валожына (гэта ў Мінскай вобласці). Аўтобус з'ехаў у кювет. Паводле ратавальнікаў, ніхто не пацярпеў. Супрацоўнікі МНС дапамаглі адкрыць заблакаваныя праз аварыю дзверы. 18 пасажыраў вярнуліся ў Мінск, 25 вырашылі чакаць іншы аўтобус, каб працягнуць рух па маршруце.
Аварыя адбылася праз тое, кажуць у ДАІ, што "кіроўца аўтобуса не саступіў дарогу кіроўцу вялікагруза, які ачышчаў і апрацоўваў праезную частку". У выніку ён не справіўся з кіраваннем і з'ехаў у кювет па ходзе руху.
Ратавальнікі дапамаглі разблакаваць дзверы / mchs.gov.by
Частка пасажыраў вярнулася ў Мінск, частка засталася чакаць новы аўтобус, каб працягнуць падарожжа / @minobl_uvd
