У Мінску адмянілі канцэрт расійскага гурта Shortparis

Гурт Shortparis / ©Shortparis, Кацярына Сяргеева

У Мінску адмяняецца канцэрт расійскага эксперыментальнага гурта Shortparis. Пра гэта ў сацсетках напісалі арганізатары выступу — івэнт-канцэртнае агенцтва Horse&Vega.

"Як ні сумна, замест таго каб радасна рыхтавацца да канцэрту, які мы ўсе так доўга чакалі, нам давядзецца рыхтавацца да выдачы вяртання за квіткі", — гаворыцца ў паведамленні.

Як выявілася, Міністэрства культуры адмовілася выдаць гастрольнае пасведчанне на гэты канцэрт у Мінску.

Выступ Shortparis быў прызначаны на 26 верасня ў Prime Hall. Арганізатары планавалі абвясціць новую дату канцэрта, узгодненую з артыстамі, але былі вымушаныя рабіць зусім іншую абвестку.

Музыкі Shortparis граюць у стылях post-pop, pop-noir, avant-pop, experimental. 

У лютым вакаліста гурта аштрафавалі ў Расіі за ўдзел у антываенным мітынгу.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.