У Мінску прэзентавалі факсімільнае выданне першага "Буквара" (відэа)
У Мінску прэзентавалі факсімільнае выданне першага "Буквара". Першая ў свеце кніга пад такой назвай была выдадзена ў 1618 годзе з удзелам беларусаў. 24 ліпеня ёй споўнілася 400 гадоў. Праект факсімільнага выдання быў рэалізаваны Нацыянальнай бібліятэкай Беларусі. Яе супрацоўнік Алесь Суша знайшоў поўны асобнік "Буквара" ў лонданскай бібліятэцы і ён быў у добрым стане. У Беларусі выданне не захавалася — падручнікі актыўна выкарыстоўваліся і хутка знішчаліся.
