У музей Мінска перадалі славутую "луску" з крамы "Акіян"
У фонды музея гісторыі Мінска перадалі славутую "луску" з ужо зачыненай крамы "Акіян" на вуліцы Казлова. Пра гэта супрацоўнікі музея напісалі ў сацсетках.
"Акіян, які мы заслужылі! Новыя паступленні ў фонды музея гісторыі горада Мінска", — гаворыцца ў паведамленні.
Крама "Акіян" была адчыненая ў цэнтры сталіцы ў 1975 годзе. У яе інтэр'еры былі выкарыстаныя пласціны з нержавеючай сталі, падобныя да рыбнай лускі. Іх зрабілі і ўсталявалі немцы.
Цяпер на месцы "Акіяна" працуе крама сеткі "Віталюр". Падчас рамонту "луску" са сцен здымалі, але потым паставілі назад.
