У Мюнхене ўсталявалі самую дарагую ёлку ў Еўропе — з 63 кг золата (фота, відэа)

У Мюнхене ўсталявалі самую дарагую калядную ёлку ў Еўропе, інфармуе Reuters. Яе з'яўленне на плошчы проста немагчымае, паколькі ў якасці ўпрыгожанняў выкарысталі 2018 залатых манет агульнай вагой 63 кг. Таму калядная ёлка коштам больш за 2,3 млн еўра стаіць у офісе нямецкай кампаніі Pro Aurum, якая гандлюе каштоўнымі металамі.

Дарэчы, самая высокая калядная ёлка ў Еўропе нядаўна была ўсталяваная ў Дортмундзе. Яе вышыня складае 45 метраў, а вага — 40 тон.