У небе Беларусі зафіксавалі "Шахед" і знішчальнік ВПС
Іранскі дрон "Шахед" / Shutterstock
Маніторынгавая група "Беларускі Гаюн" паведамляе, што ўначы над тэрыторыяй Беларусі быў заўважаны дрон-камікадзэ "Шахед". Паводле звестак @eRadarrua, беспілотнік заляцеў у краіну з Жытомірскай вобласці Украіны і рухаўся ў бок Мазыра з паўднёвага кірунку.
Акрамя таго, у небе над Гомельскай вобласцю быў зафіксаваны беларускі знішчальнік, які вылецеў з авіябазы ў Баранавічах каля 01:10 ночы.
Інфармацыя пра гэтыя інцыдэнты актыўна распаўсюджваецца маніторынгавымі рэсурсамі, якія адсочваюць паветраную актыўнасць у рэгіёне.
