У Расіі сышоў з рэек грузавы цягнік — у мясцовым СК кажуць пра тэракт
З рэек сышлі лакаматыў і 11 вагонаў, ілюстрацыйнае фота / Shutterstock
Расійскі Следчы камітэт завёў крымінальную справу аб тэракце. Падставай стаў сход з рэек 11 вагонаў і лакаматыва ў Белгародскай вобласці. Інцыдэнт здарыўся ў ноч на сераду на перагоне Валаконаўка — Новы Аскол. У прэс-службе Паўднёва-Усходняй чыгункі адразу заявілі, што прычынай стала "ўмяшанне ў працу чыгуначнага транспарту". А рэсурс Baza піша пра выбух. Паводле яго звестак, цягнік наехаў на выбуховае прыстасаванне, закладзенае пад рэйкай.
Машыніст і памочнік машыніста не пацярпелі. Рух на перагоне Валаконаўка — Новы Аскол зараз закрыты, вядуцца аднаўленчыя працы. Шэраг цягнікоў накіравалі ў аб'езд, яшчэ шэраг адмянілі.
На месцы здарэння / @bazabazon
