Каля мяжы Беларусі на Смаленшчыне падпалілі рэлейныя шафы на чыгунцы
Чыгунка, ілюстрацыйнае фота / pixabay.com
Увечары 17 красавіка ў Смаленскай вобласці на чыгунцы каля беларускай мяжы заўважылі падпаленыя рэлейныя шафы, піша ASTRA. Гэта адбылося на 466-м кіламетры Маскоўскай чыгункі — паміж станцыямі Краснае і Гусіна.
Невядомыя падпалілі адразу дзве рэлейныя шафы, якія цалкам згарэлі. Яшчэ адну шафу ўзламалі.
У выніку адбылася затрымка пасажырскіх цягнікоў.
Месца здарэння, красавік 2024 года / t.me/astrapress
