У Татрах ратавалі беларуса, які падаў па схіле гары каля 300 метраў
Пацярпелы / https://www.facebook.com/1909.topr
У Польшчы ў Татрах ратавалі беларуса, які падаў па схіле гары каля 300 метраў. Мужчына атрымаў цяжкія траўмы, але выжыў.
Як паведамляюць ратавальнікі, здарэнне адбылося ўначы 4 студзеня. Ім патэлефанаваў сябар беларуса, які расказаў, што ён скаціўся па снежна-каменным схіле. Пацярпелага знайшлі. У бальніцу Закапанэ беларуса даставілі з дапамогай верталёта. У яго чэрапна-мазгавая траўма. Адзначаецца, што ў турыстаў, якія падарожнічалі ў гарах, не было спецыяльных сродкаў бяспекі, нават касак.
https://www.facebook.com/1909.topr
