У Віцебску ўсталявалі помнік самаму вялікаму чалавеку ў свеце (фота)

У Віцебску ў скверы каля Ратушы ўсталявалі помнік самаму вялікаму чалавеку ў свеце. Манументальна-дэкаратыўная кампазіцыя мае назву "Віцебскі волат", яе выканаў скульптар Іван Казак. Бронзавая скульптура мае ў вышыню 3 метры і 12 сантыметраў. Прататыпам для яе стаў Фёдар Махноў (1878 — 1912) — беларускі Гулівер, ураджэнец Віцебшчыны. Яго рост складаў 285 сантыметраў. Махноў выступаў у цырку, падарожнічаў з ім па свеце. Днямі адзначалася яго 140-годдзе, інфармуе сайт sb.by.