У Жыткавічах ратавалі сабаку, які праваліўся пад лёд
У Жыткавічах у нядзелю ўдзень ратавалі сабаку, які праваліўся пад лёд. Здарылася гэта ў меліярацыйным канале. Прахожыя самастойна дапамагчы жывёле не маглі і выклікалі ратавальнікаў.
Як паведамляе прэс-служба МНС, сабака знаходзіўся ў дзясятку метраў ад берага. Ратавальнікі з дапамогай спецыяльных прыстасаванняў дасталі сабаку з вады і перадалі гаспадару.
gomel.mchs.gov.by
