Украіна адсудзіла "скіфскае золата" ў музеяў Крыма
Калекцыя налічвае дзве тысячы артэфактаў / kommersant.ru
Амстэрдамскі суд пасля 7 гадоў разгляду пастанавіў перадаць "скіфскае золата" Украіне. Калекцыя "скіфскага золата" з чатырох крымскіх музеяў, каля дзвюх тысяч артэфактаў, была вывезеная на выставу ў Амстэрдам у пачатку 2014 года. Пасля крымскіх падзей улады Нідэрландаў адмовіліся перадаваць экспазіцыю Расіі ці Украіне да судовага рашэння.
У 2016 годзе акруговы суд Амстэрдама пастанавіў, што калекцыя павінная быць перададзеная Кіеву. Затым была апеляцыя Крыма, разгляд якой завяршыўся толькі ў 2019 годзе. Яшчэ два гады ішоў збор дакументацыі. Сёння апеляцыйны суд Амстэрдама палічыў скіфскае золата ўласнасцю Украіны.
Довгоочікувана перемога в суді Амстердама! «Скіфське золото» повернеться до України. Вдячний суду за справедливе рішення, а командам @minjust_gov_ua, @MFA_Ukraine та @MKIPUkraine за результат. Ми завжди повертаємо своє. Спочатку повернемо «скіфське золото», а потім і Крим.
— Володимир Зеленський (@ZelenskyyUa) October 26, 2021
