Украіна хоча павялічыць вытворчасць дронаў у дзясяткі разоў
![Украінскія вайскоўцы на фронце](/sites/default/files/styles/gallery_main/public/2023-10/drony.jpg.webp?itok=9wIY6nPZ)
Украінскія вайскоўцы на фронце / facebook.com/GeneralStaff.ua
Украіна хоча павялічыць вытворчасць дронаў у дзясяткі разоў, паведамляе Reuters. Дроны адыгрываюць адну з найважнейшых роляў у вайне, выкарыстоўваюцца абодвума бакамі для выведкі і нападу.
Украіна імкнецца павялічыць уласную вытворчасць дронаў, давёўшы вытворчасць да дзясяткаў тысяч за месяц да канца 2023 года (пакуль вырабляюцца толькі тысячы за месяц). На сённяшні дзень украінскае войска ў значнай ступені залежыць ад паставак дронаў замежнай вытворчасці. Аднак прыкладаюцца намаганні, каб нарасціць і ўласную вытворчасць, нягледзячы на складанасці, звязаныя з тым, што краіна вядзе буйнамаштабную вайну. Адзначаецца, што павялічыць вытворчасць дронаў атрымліваецца лепш, чым зброі і боепрыпасаў.
У Кіеве разумеюць, што самастойная вытворчасць забяспечыць стабільныя і больш хуткія пастаўкі. Але рэгулярныя ўдары расійскіх беспілотнікаў і ракет па ўсёй краіне з'яўляюцца дадатковым выклікам для гэтага, піша агенцтва. Аднак украінцы прызнаюцца, што "знайшлі мадэль таго, як гэта можа працаваць нават пад абстрэлам".
А яшчэ ўкраінскія чыноўнікі спадзяюцца, што супрацоўніцтва з заходнімі вытворцамі зброі таксама "можа дапамагчы адрадзіць айчынную зброевую прамысловасць і стварыць дадатковы імпульс для эканомікі".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.