Украінку хочуць дэпартаваць з Беларусі за пратэсты і "экстрэмісцкія" падпіскі
![Украінка, якую хочуць дэпартаваць, і яе муж / тг-канал сілавікоў](/sites/default/files/styles/gallery_main/public/2023-08/ukrainka-2405.jpg.webp?itok=4amwq6Zf)
Украінка, якую хочуць дэпартаваць, і яе муж / тг-канал сілавікоў
Беларускія ўлады плануюць дэпартаваць украінку, паведамляе "Медыязона". Раней жанчыну каралі за ўдзел у пратэстах (артыкул 23.34 КаАП), а цяпер зноў затрымалі за падпіску на так званыя "экстрэмісцкія" тэлеграм-каналы. Відэа з ёй з'явілася ў тг-канале сілавікоў.
На камеру жанчына кажа, што пасля першага пакарання яе папярэджвалі пра адказнасць за паўторнае парушэнне. "Я грамадзянка Украіны, і цяпер будзе вырашацца пытанне пра маю дэпартацыю на радзіму", — дадае яна.
Паведамляецца, што разам з украінкай затрымалі і яе мужа. Па якім артыкуле затрымалі яго і ці пагражае яму дэпартацыя, невядома.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.