Вялікабрытанія ўважліва сочыць за сітуацыяй у Беларусі — Сунак
Рышы Сунак / reuters.com
Вялікабрытанія ўважліва сочыць за сітуацыяй у Беларусі, з улікам вайны ў суседняй Украіне. Пра гэта брытанскі прэм'ер Рышы Сунак згадаў у тэлефоннай гутарцы з польскім калегам Матэвушам Маравецкім, якая адбылася раніцай 4 лістапада. Яны абмеркавалі працягненне ўмацавання бяспекі "ўсходняга флангу NATO".
Як паведамляе прэс-служба брытанскага прэм'ера, Сунак адзначыў "выдатнае лідарства Польшчы ў Еўропе пасля ўварвання [Расіі] ва Украіну" і цесную сувязь паміж Лонданам і Варшавай у пытаннях міжнароднай бяспекі. Гаворачы пра ўвагу Вялікабрытаніі да развіцця падзей у Беларусі, Рышы Сунак падкрэсліў, што яго краіна "падтрымлівае Польшчу перад тварам расійскай агрэсіі".
Прэм'еры Вялікабрытаніі і Польшчы пагадзіліся, што неабходна "пастаянна дасылаць Пуціну рашучы сігнал аб тым, што запалохванне не спрацуе".
I spoke to the UK’s new PM @RishiSunak. He assured me of continued cooperation in the economic, financial, security and energy sectors as well as strengthening @NATO and support for . Shortly, more international consultations. pic.twitter.com/mMYLxdeKPg
— Mateusz Morawiecki (@MorawieckiM) November 4, 2022
