"Падаражэнне паслуг, якія не рэгулююцца", разганяе інфляцыю ў Беларусі

Асноўным фактарам росту цэн у Беларусі ў кастрычніку 2024 года стала "падаражэнне паслуг, якія не рэгулююцца". Так лічаць аналітыкі Еўразійскага банка развіцця.

У кастрычніку 2024 года інфляцыя ў Беларусі скарацілася на 0,1 працэнтнага пункта, склаўшы 5,9% (год да года). А вось інфляцыя ў паслугах у кастрычніку павысілася да 6% (год да года) пасля 5, 6% у верасні. "Прыкметны рост цэн на нерэгулюемыя паслугі абумоўлены істотным павелічэннем затрат на аплату працы і высокім узроўнем спажывецкага попыту", — канстатуюць у ЕАБР.

У таварным жа сегменце інфляцыя заставалася ўмеранай дзякуючы рэгуляванню коштаў, якое практыкуе ўрад Беларусі. Аднак у апошні час чыноўнікі гавораць аб паслабленні гэтага механізму з 2025 года.