Вырасла колькасць тэхнікі ў вагнераўскім лагеры ў Беларусі

Каля 750 адзінак тэхнікі можна налічыць у вагнераўскім лагеры на тэрыторыі Беларусі, піша Радыё Свабода.

Здымак зроблены раніцай 25 ліпеня службай Planet Labs. Калі сярод падобных да тэхнікі аб'ектаў і ёсць цяжкая вайсковая тэхніка, то яе колькасць — мінімальная, рэзюмуюць журналісты. За тыдзень колькасць тэхнікі павялічылася прыкладна на 269 адзінак.

На новым здымку атрымалася распазнаць наступныя аб'екты:

62 тэнтаваных грузавікоў;
534 аўтамабілі з габарытамі, аналагічнымі пікапам УАЗ, фургоны, мікрааўтобусы УАЗ (так званыя "буханкі"), мікрааўтобусы тыпу "Газель", УАЗ "Патрыёты", легкавыя аўтамабілі;
33 аўтобусы розных мадыфікацый;
99 грузавікоў рознай мадыфікацыі, уключаючы платформы з будаўнічым абсталяваннем;
26 грузавікоў або падобных да іх па памеры аўтамабіляў, якія маюць ваенную афарбоўку.

Паводле звестак маніторынгавай групы "Беларускі гаюн", з 15 ліпеня ў Беларусь прыбылі агулам 11 калон з тэхнікай, якая можа належаць вагнераўцам.