Як Пуцін і Байдэн мераліся картэжамі ў Жэневе
16 чэрвеня ў Швейцарыі праходзяць перамовы паміж прэзідэнтам Расіі Уладзімірам Пуціным і прэзідэнтам ЗША Джо Байдэнам. Палітыкі прыбылі да жэнеўскай вілы "Ла-Гранж" кожны на сваім картэжы.
Спярша прыехаў Пуцін. Ён вядомы сваімі спазненнямі на афіцыйныя мерапрыемствы, але гэтым разам быў дакладны, як швейцарскі гадзіннік. Яго картэж складаўся з 25 транспартных адзінак, сярод якіх былі матацыклы, паліцэйскія машыны, мікрааўтобусы і г.д.
Але картэж Байдэна апынуўся ўдвая даўжэйшым! У ім мы налічылі аж 55 аўтамабіляў і матацыклаў.
