Ярмошына не выключае, што пасля выбараў памяняецца працэдура падліку галасоў
![Ярмошына не выключае, што пасля выбараў памяняецца працэдура падліку галасоў](/sites/default/files/styles/gallery_main/public/2023-08/vybary-2306.jpg.webp?itok=dwTZafWk)
Пасля сёлетніх выбараў у Палату прадстаўнікоў старшыня Цэнтрвыбаркама Лідзія Ярмошына плануе падаць кіраўніку дзяржавы прапановы па зменах у выбарчым заканадаўстве. Пра гэта яна паведаміла журналістам 23 чэрвеня ў Мінску, перадае БелаПАН.
Адказваючы на пытанне, Ярмошына паведкаміла, што чальцы выбаркамаў не будуць паказваць назіральнікам кожны бюлетэнь: "Для гэтага трэба ўносіць змены ў закон, таму што працэдура падліку прапісаная там". Разам з тым старшыня ЦВК падкрэсліла, што беларускія ўлады выканалі рэкамендацыю Бюро па дэмакратычных інстытутах і правах чалавека АБСЕ, каб назіральнікі маглі кантраляваць падлік галасоў.
Старшыня ЦВК заявіла, што пасля выбараў звернецца да кіраўніка дзяржавы з прапановамі па зменах працэдуры падліку галасоў. Праўда, канкрэтныя прапановы яна не назвала, бо, маўляў, усе рашэнні па змунах у закон вырашаюцца кансэнсусам на нарадзе ў кіраўніка дзяржавы.
Празрыстыя скрыні для бюлетэняў на галасаванні, Ярмошына назвала надуманай тэмай. На яе думку, празрыстыя скрыні нідзе нічога не вырашаюць і даверу да выбараў не нараджаюць. "Псіхалагічна, можа быць, на нейкую хвіліну, на якую гадзіну, не больш за тое. Усё ж такі самае галоўнае вырашае падлік галасоў", — мяркуе чыноўніца.
Выбары ў Палату прадстаўнікоў пройдуць 11 верасня.