Юрый Жыгамонт выдаў кнігу пра свае падарожжы па Беларусі
![Юрый Жыгамонт выдаў кнігу пра свае падарожжы па Беларусі](/sites/default/files/styles/gallery_main/public/2023-08/dscn9546.jpg.webp?itok=cFbA_chI)
У падарожніка-дылетанта Юрыя Жыгамонта выйшла кніга "Мястэчкі і вёскі Беларусі". Пра гэта ён паведаміў у сацсетках. Жыгамонт — аўтар і вядучы папулярнай перадачы "Падарожжа з Жыгамонтам" (на беларускім тэлебачанні яна выходзіла пад назвамі "Падарожжа дылетанта", "Прыгоды дылетанта" і "Новыя прыгоды дылетанта"). Ён наведваў нічым не выбітныя на першы погляд беларускія вёсачкі і ў кожнай знаходзіў багатую на падзеі гісторыю.
У гэтым своеасаблівым нататніку вандроўніка знайшлося месца і для казак ды паданняў, звязаных з паходжаннем самых розных вёсак і мястэчак па ўсёй нашай краіне. Набыць "Мястэчкі і вёскі Беларусі" можна ў мінскай краме "Акадэмкніга".
![Юрый Жыгамонт выдаў кнігу пра свае падарожжы па Беларусі](/sites/default/files/paragraphs/image/hzyhyibogrw.jpg)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.