За арыштам Насці Рыбкі стаіць “замежны інфарматар” тайскай паліцыі

6 ліпеня ў судзе Патайі пракуратура Тайланда зачытала абвінаваўчае заключэнне выхадцам з Беларусі Анастасіі Вашукевич (Насця Рыбка) і Аляксандру Кірылаву (Алекс Леслі). Іх абвінавачваюць у арганізацыі злачыннай суполкі, змове і прадастаўленні паслуг сэксуальнага характару.

Насці Рыбцы, Алексу Леслі і яшчэ шасцярым ўдзельнікам сэкс-трэнінгу пагражае да 20 гадоў зняволення. Арыштаваныя не прызнаюць сваёй віны. Дэталі сітуацыі раскрывае сеткавае выданне The Bell, якому блізкія аднаго з абвінавачаных перадалі пратакол затрымання і іншыя дакументы тайскай пракуратуры, якія адносяцца да справы.

Паліцыя палічыла, што тое, што адбываецца на трэнінгу, "наносіць шкоду рэпутацыі тайскай нацыі" і "стварае ў СМІ карціну, якая не адпавядае нацыянальнай маралі", сказана ў пратаколе.

Насця Рыбка і Алекс Леслі сталі вядомыя шырокай публіцы пасля таго, як расійскі палітык Аляксей Навальны апублікаваў расследаванне "Фонда барацьбы з карупцыяй" пра адпачынак расійскага мільярдэра Алега Дзерыпаскі ў кампаніі Рыбкі і кіраўніка апарата ўрада Расіі Сяргея Прыходзькі. Гэта адбылося 8 лютага 2018 года. Ужо 10 лютага Дзерыпаска падаў на Рыбку і Леслі ў суд пазоў аб абароне гонару і годнасці. А 25 лютага Рыбку і Леслі затрымалі ў патайскім гатэлі Ibis, калі яны праводзілі сэкс-трэнінг.

Разам з імі былі затрыманыя 8 удзельнікаў трэнінгу. Дваім з іх удалося выйсці на свабоду: яны прызналі, што незаконна працавалі ў Тайландзе, пасля чаго іх дэпартавалі ў Маскву.