За гібель 3-гадовага хлопчыка, забітага бацькамі, судзяць службовых асоб
![Суд / Суд / Еўрарадыё](/sites/default/files/styles/gallery_main/public/2023-08/sud-0708.jpg.webp?itok=K5I6Aka-)
Суд
У судзе Мінскага раёна 1 ліпеня пачаўся судовы працэс над службовымі асобамі па справе сям'і Таратутаў.
Абвінавачанымі праходзяць начальнік інспекцыі па справах непаўналетніх Слуцкага РАУС Аляксандр Дзядок і следчы Слуцкага РАСК Арцём Галавінскі. Як заяўляе бок абвінавачання, іх бяздзеянне і халатнасць спрыялі магчымасці працяглага катавання малалетняга Сямёна Таратуты. Дзядка вінавацяць у бяздзейнасці службовай асобы (ч. 3 арт. 425 КК), Галавінскага — у службовай халатнасці (ч. 2 арт. 428 КК).
Трагедыя адбылася на пачатку 2023 года ў Слуцку. Бацькі забілі трохгадовага Сямёна на вачах у іншых дзяцей. 48-гадовы Аляксандр Таратута быў прысуджаны да расстрэлу, яго 37-гадовая жонка Анастасія — да 25 гадоў папраўчай калоніі строгага рэжыму.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.