Затрыманыя студэнты БНТУ — на дзяржТБ сцвярджаюць, што яны былі завербаваныя
БНТУ / bntu.by
Затрыманыя некалькі студэнтаў Беларускага нацыянальнага тэхнічнага ўніверсітэта. Пра гэта гаворыцца ў анонсе фільма АНТ, кіно абяцаюць паказаць сёння ўвечары. Са слоў прапагандыстаў, студэнты былі завербаваныя спецслужбамі Украіны.
У анонсе гаворыцца, што "група падлеткаў на чале з украінскай "чырвонай жабай" рыхтавалася падарваць Беларусь". Сцвярджаецца, што група называлася "Чорныя салаўі" і кіравала імі грамадзянка Украіны Марыя Місюк. Паказаныя былі таксама ўрыўкі допытаў некалькіх чалавек.
Скрыншот анонсу фільма АНТ / @ontnews
Родныя аднаго з затрыманых падлеткаў / @ontnews
