Зніжэнне беларускай эканомікі па выніках года складзе 4,6% — ЕАБР

ВУП Беларусі па выніках 2022 года зніжаецца / Еўрарадыё
ВУП Беларусі па выніках 2022 года зніжаецца / Еўрарадыё

Па выніках 2022 года беларуская эканоміка пакажа спад ВУП на 4,6%, прагназуюць аналітыкі Еўразійскага банка развіцця.

Сярод іншых краін Еўразійскай супольнасці зніжэнне эканомікі назіраецца толькі ў Расіі.

"Спад ВУП РФ з высокай верагоднасцю не перавысіць 3%. Казахстан захоўвае упэўненыя тэмпы росту эканомікі. Дзелавая актыўнасць у Арменіі, Кыргызстане і Таджыкістане імкліва пашыралася на фоне з'яўлення новых стымулаў, у тым ліку звязаных з прытокам працоўных і фінансавых рэсурсаў",цытуе ТГ-канал "Позірк" аналітыкаў ЕАБР.

Разам з тым яны прагназуюць, што ў 2023-2024 гадах у Расіі ды Беларусі за істотным зніжэннем эканомікі пачнецца павольнае, паступовае аднаўленне.

"Хутка пераналадзіць ланцужкі паставак цяжка, інфраструктурныя абмежаванні захоўваюцца, бюджэтныя стымулы могуць аслабнуць, а абмежаванні на тэхналагічны імпарт могуць мець працяглыя негатыўныя наступствы", — заяўляюць у банку.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі