Зноў судзяць палітвязня з Баранавічаў, якога раней асудзілі за падабайку
Яўген Кладаў / фота з яго старонкі ў "Вконтакте"
У Брэсцкім абласным судзе 2 верасня пачынаецца новы суд над 41-гадовым палітвязняволеным рабочым з Баранавічаў Яўгенам Кладавым, паведамляе праваабарончы цэнтр "Вясна".
У лістападзе 2023 года мужчыну прысудзілі год зняволення, прызнаўшы вінаватым у "абразе Лукашэнкі". Уся яго "віна" была ў падабайцы пад карыкатурамі.
Калі першы тэрмін скончыўся, Кладава не вызвалілі з калоніі, а пачалі на яго новую крымінальную справу. За допісы і каментары ў інтэрнэце яго вінавацяць паводле шасці артыкулаў Крымінальнага кодэксу, у тым ліку ў "закліках да санкцый" і "арганізацыі масавых беспарадкаў". Яму пагражае да 15 гадоў зняволення.
Перад другім судом мужчыну дадалі ў "спіс тэрарыстаў", што нге дазваляе рабіць яму грашовыя пераводы.
Разгляд справы будзе закрыты. Судзіць Кладава будзе Мікалай Сянько.
