14:29 Нас зальюць танным расійскім півам
Беларускія півавары чакаюць
наплыву таннага хмельнага напоя з Расіі.
З 1
сакавіка наша краіна адмяніла ўсе абмежаванні на ўвоз піва, зваранага ў Расіі.
На працягу трох гадоў ад такога піва на мяжы патрабавалася мноства
суправаджальных дакументаў, яно па доўгу прастойвала на складах часовага
захоўвання і маркіравалася.
Пасля таго, як усе абмежаванні знялі, беларускія
півавары агучылі свой занепакой. Паводле прагнозаў, ім давядзецца канкураваць з
расійскім півам у танным сегменце, дзе нашы бровары апынуцца ў няроўных умовах
з-за больш высокіх коштаў на энергарэсурсы, рознага ўзроўня тэхналогій і якасці
сыравіны.
Між тым, летась беларусы выпілі каля 5,5 мільёнаў дэкалітраў
замежнага піва, прыкладна 11 бутэлек на кожнага чалавека, паведамляе
“Інтэрфакс”.
