8 лютага абвесцяць прысуд журналісту-палітвязню Анджэю Пачобуту
Анджэй Пачобут на судзе / кадр з відэа
8 лютага ў 14:30 у Гомельскім абласным судзе абвесцяць прысуд журналісту-палітвязню Анджэю Пачобуту, актывісту польскай меншасці ў Беларусі.
Судзіць Пачобута пачалі 16 студзеня. Суд праходзіць у закрытым рэжыме.
Журналіста вінавацяць у закліках да санкцый і распальванні варожасці. Яму пагражае ад 5 да 12 гадоў пазбаўлення волі.
Анджэя Пачобута затрымалі 25 сакавіка 2021 года разам з іншымі актывістамі польскай меншасці. Яму прапаноўвалі напісаць прашэнне аб памілаванні, але ён адмовіўся. "Распальванне варожасці" ўлады ўгледзелі ў артыкуле пра напад СССР на Польшчу ў верасні 1939-га.
