ААН патрабуе вызваліць Ціханоўскага і выплаціць яму кампенсацыю
Палітвязень Сяргей Ціханоўскі выйграў справу ў ААН супраць беларускіх уладаў, паведамляюць праваабаронцы "Вясны".
Скаргу па затрыманні Ціханоўскага на перадвыбарным пікеце 29 траўня 2020 года і яго зняволення разгледзела працоўная група ААН па адвольных затрыманнях. У гэтую групу ўваходзіць пяць экспертаў у галіне права.
Яны прыйшлі да наступных высноваў: зняволенне Ціханоўскага з'яўляецца адвольным, беларускія ўлады павінны неадкладна вызваліць яго. Таксама ўлады абавязаныя выплаціць кампенсацыю за парушэнне яго правоў і правесці расследаванне акалічнасцяў яго зняволення.
Эксперты падкрэсліваюць, што Ціханоўскага затрымалі нібыта за гвалі супраць міліцыянта, што нічым не пацвердзілася. Акрамя таго, да яго 35 гадзі не дапускалі адваката і адмовілі ў праве не справядлівы судовы разгляд.
Аднак можна не сумнявацца, што беларускія ўлады праігнаруюць высновы ААН.
