Абама і Пуцін сустрэнуцца ў Нью-Ёрку ў панядзелак
![Абама і Пуцін сустрэнуцца ў Нью-Ёрку ў панядзелак](/sites/default/files/styles/gallery_main/public/2023-08/150924200226_putin_obama_21_624x351_ap_nocredit.jpg.webp?itok=0zlv7iaQ)
Прэзідэнт ЗША Барак Абама і расійскі прэзідэнт Уладзімір Пуцін сустрэнуцца ў Нью-Ёрку ў панядзелак, інфармуе ВВС. Гэта будзе першая іх двухбаковая сустрэча за амаль год. Адбудзецца яна падчас Генеральнай асамблеі ААН. Мяркуецца, што гаворка пойдзе найперш пра сітуацыю ў Сірыі і ва Украіне.
Агенцтва Reuters адзначае, што ініцыятарам сустрэчы быў прэзідэнт Расіі. У інтэрв'ю амерыканскаму тэлеканалу CBS Пуцін заявіў, што ёсць толькі адзін шлях вырашэння сірыйскага крызісу — ўмацаванне дзяржаўнай улады ў гэтай краіне г. зн. рэжыму Асада. Як вядома, Расія ў апошнія тыдні значна павялічыла сваю вайсковую прысутнасць у Сірыі, куды перакідваюцца зброя, вайсковая тэхніка, вайскоўцы.
Фота: АР