Аграсядзібам афіцыйна дазволілі гнаць самагон
Аграсядзібы атрымалі магчымасць гнаць самагон. Савет міністраў унёс адпаведныя змены ў закон "Аб дзяржаўным рэгуляванні вытворчасці і абароту алкагольнай, нехарчовай спіртазмяшчальнай прадукцыі".
З пастановы вынікае, што некаторым прыватным вытворцам афіцыйна дазволілі гнаць самагон. Уладальнікі аграсядзібаў могуць заняцца яго вырабам "у мэтах аднаўлення беларускіх нацыянальных традыцый".
Дагэтуль для вырабу самагону патрабавалася спецліцэнзія. У Беларусі яе мелі толькі 14 вытворцаў: Дудуткі, Строчыцы, Сула ды некаторыя іншыя.
