У Кыргызстане будуць больш жорсткімі правілы знаходжання для грамадзян Беларусі
![У сталіцы Кыргызстана](/sites/default/files/styles/gallery_main/public/2024-09/2023-05-03_15-31-14_658695.jpg.webp?itok=KhhwW2OO)
У сталіцы Кыргызстана / bishkek.gov.kg
У Кыргызстане змяняецца парадак рэгістрацыі грамадзян краін з бязвізавым рэжымам. Як вядома, да якіх належыць і Беларусь. Новаўвядзенне пачне дзейнічаць з 5 верасня, паведамляе Міністэрства лічбавага развіцця краіны.
Беларусы маглі зарэгістравацца ў Кыргызстане на паўгода з правам далейшага працягвання (у залежнасці ад мэты знаходжання). Цяпер гэта магчыма на падставе дазволу на жыхарства, пасведчання асобы без грамадзянства, пасведчання, якое выдаецца этнічным кыргызам для перасялення ў Кыргызстан, пасведчання суайчынніка з замежным грамадзянствам.
Без афармлення дакументаў грамадзяне Беларусі могуць знаходзіцца на тэрыторыі Кыргызстана агулам "да 90 дзён на працягу кожнага 180-дзённага перыяду з моманту ўезду". Па заканчэнні гэтых 90 дзён беларусы, якія не прайшлі рэгістрацыю, будуць абавязаныя выехаць з Кыргызстана. Паўторна ўехаць яны змогуць праз 90 каляндарных дзён.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.