Алімпійская чэмпіёнка Надзея Скардзіна выйшла замуж
![Алімпійская чэмпіёнка Надзея Скардзіна выйшла замуж](/sites/default/files/styles/gallery_main/public/2023-08/skard_1.jpg.webp?itok=fWB-Uhft)
Алімпійская чэмпіёнка па біятлоне Надзея Скардзіна, якая летась завяршыла спартовую кар'еру, выйшла замуж. Яе абраннікам стаў швейцарскі біятланіст Марцін Ягер. Вяселле гулялі ў гэтую суботу ў Дамашанах, што ў Смалявіцкім раёне.
Фотаздымкі з урачыстасцяў з'явіліся ў Інстаграме.
34-гадовая Надзея Скардзіна ў чэрвені 2018 года абвясціла аб завяршэнні прафесійнай кар'еры. Сёлета ў лютым яна яшчэ выступіла ў Раўбічах на "Гонцы легендаў", падчас якой яе і былую калегу па зборнай, тытулаваную Дар'ю Домрачаву праводзілі з вялікага спорту.
У мінулым жа годзе Надзея пазнаёмілася са сваім будучым мужам. Сёлета ўвосень пара чакае нараджэння першынца.