Моцны снегапад і аранжавы ўзровень небяспекі ў выхадныя
Снегапад і галалёд / vitvesti.by
23 лістапада ў Магілёўскай і Гомельскай абласцях абвешчаны аранжавы ўзровень небяспекі.
Уначы там чакаюцца снегапад і галалёдзіца, а тэмпература складзе ад -4 да +1°С.
У іншых абласцях ноччу будзе яшчэ халадней — да -7°С. Галалёдзіца таксама магчымая ў Віцебскай, Мінскай і Гродзенскай абласцях — там абвешчаны жоўты ўзровень небяспекі.
Толькі на Брэстчыне анамальных з'яў надвор'я не прагназуецца.
МНС раіць у снегапад і галалёдзіцу ўстрымацца ад паездак па горадзе на асабістым транспарце, а таксама абыходзіць хісткія будынкі і дамы з няўстойлівым дахам.
