Аляксандра Сасновіч прайграла ў 1/4 фіналу турніру ў Будапешце
Аляксандра Сасновіч прайграла ў 1/4 фіналу тэніснага турніру ў Будапешце Люсі Шафаржовай з Чэхіі — 3:6, 5:7. У абодвух сэтах беларуска спрабавала пераламіць ход гульні з больш рэйтынгавай саперніцай (Сасновіч займае ў рэйтынгу WTA 123-е месца, яе саперніца — 47-е), але зрабіць гэтага не ўдалося.
На турніры ў Будапешце Сасновіч выступіла добра. Яна пачала ў кваліфікацыі і дайшла да чвэрцьфіналу, перамагала больш рэйтынгавых саперніц (напрыклад, у 1/8 фіналу выйграла ў францужанкі Палін Парменцье).
