Аляксандра Сасновіч выйшла ў 1/8 фіналу турніру ў Нідэрландах

Аляксандра Сасновіч (71-я ў рэйтынгу WTA) выйшла ў 1/8 фіналу турніру ў Нідэрландах. У аўторак у паядынку 1/16 фіналу яна лёгка выйграла Лукрэцыі Стэфаніні (111) з Італіі — 6:0, 6:3.

Наступная саперніца Сасновіч — Грэцье Мінен (120) з Бельгіі. Яны згуляюць у сераду. Раней у 1/8 фіналу выйшла Вікторыя Азаранка. А вось Ілля Івашка прайграў ужо на старце турніру.