"Супрацоўнік МТС" пераканаў мінчанку распрануцца на камеру, а потым шантажаваў
Ахвяра тэлефонных ашуканцаў / Стокавае фота
Фэйкавы "супрацоўнік МТС" пераканаў мінчанку поўнасцю распрануцца перад камерай, каб пераканацца ў адсутнасці "жучкоў". Гэта было часткай шматхадовай аперацыі па выманьванні ў яе грошай. Працягнулася ўсё шантажом, а скончылася ў міліцыі.
Незнаёмец, які назваўся супрацоўнікам аператара сотавай сувязі, патэлефанаваў дзяўчыне праз месенджар. Ён сказаў, што зламыснікі выкралі яе пашпартныя даныя і ўстанавілі на абаненцкі нумар пераадрасацыю. Каб яе адключыць, ахвяра перайшла па дасланай спасылцы і ўсталявала прыкладанне аддаленага доступу, такім чынам згубіўшы кантроль над сваім смартфонам.
Потым махляр паведаміў, што павінен праверыць ахвяру на прадмет тэхнічных сродкаў сачэння. Ён запатрабаваў у дзяўчыны поўнасцю распрануцца перад камерай смартфона. А пасля таго, як менчанка выканала ўмову, ёй сталі пагражаць распаўсюдзіць відэа сярод знаёмых. І патрабавалі грошы.
Тады жанчына звярнулася ў міліцыю. Цяпер праводзіцца праверка.
Нагадваем! Калі вам тэлефануюць у месенджары і з нейкай нагоды прапануюць прайсці па спасылцы — неадкладна пакладзеце трубку, звярнецеся да правайдара і ў міліцыю. Не паведамляйце нікому свае персанальныя даныя і не спампоўвайце прыкладанні па спасылках ад невядомых!
