Амаль палова апытаных украінцаў назвалі Беларусь варожай краінай
![Амаль палова апытаных украінцаў назвалі Беларусь варожай краінай](/sites/default/files/styles/gallery_main/public/2023-08/_unian_4_650x410.jpg.webp?itok=dtjC3e8B)
Амаль палова апытаных украінцаў (48%) назвалі Беларусь варожай краінай, паведамляе interfax.com.ua. Апытанне праводзіла сацыялагічная група "Рэйтынг". Яшчэ год таму такіх было толькі 22%.
Расію варожай краінай назвалі 72% апытаных украінцаў. Галоўнымі саюзнікамі яны лічаць Канаду, Літву, Польшчу, Вялікабрытанію, ЗША і Турцыю.
Апытанне праводзілася ў пачатку снежня ўжо пасля выказванняў Аляксандра Лукашэнкі наконт планаў паехаць у Крым, што стане яго "поўным прызнаннем", і пра тое, што ў выпадку канфлікту РФ і Украіны ён будзе на баку Масквы. Гэты сігнал дайшоў да ўкраінцаў, што і паўплывала на іх адносіны да Беларусі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.