Фінскія металісты Amorphis прэзентавалі ў Мінску новы альбом

Беларускія аматары скандынаўскай цяжкой "задуменнасці" нарэшце на ўласныя вочы змаглі сузіраць адну з галоўных фінскіх метал-легенд — гурт Amorphis за больш чым 20 гадоў свайго існавання нарэшце дабраўся да Мінска.

Фіны завіталі ў мінскі Re: public у межах тура ў падтрымку свайго адзінаццатага альбома “Circle”. Айчынная рознаўзроставая метал-тусоўка самааддана слэмілася і раўла песні з апошняй пласцінкі, чым відавочна радавала музыкаў. "Thank you Minsk, you guys are some serious metalheads!" — аддзячылі Amorphis фэнаў у сацыяльных сетках.