Аркадзя Ізраілевіча выключылі з конкурсу "Прадпрымальнік года 2018"
![Аркадзя Ізраілевіча выключылі з конкурсу "Прадпрымальнік года 2018"](/sites/default/files/styles/gallery_main/public/2023-08/izrailievicz-0111.jpg.webp?itok=sKO-KCCz)
Бізнэсовец Аркадзь Ізраілевіч больш не з'яўляецца фіналістам конкурсу EY Entrepreneur Of The Year 2018 ("Прадпрымальнік года 2018") у Беларусі. Пра гэта ў сацсетках паведаміў актывіст Антон Матолька са спасылкай на арганізатараў конкурсу.
Раней Матолька звяртаў увагу на тое, што ў крытэрыях конкурсу значыцца сацыяльная адказнасць бізнэсу, што наўрад ці можна стасаваць да Ізраілевіча.
Ізраілевіч мае дачыненне да будаўніцтва скандальна вядомага рэстарана "Поедем поедим" каля Курапатаў — месца масавых расстрэлаў у сталінскія часы. Бізнэсовец адзначыўся зацятым змаганнем супраць абаронцаў Курапатаў, а таксама іншымі скандаламі.
31 кастрычніка СМІ паведамілі, што Ізраілевіча затрымалі за спробу хабару.