Арменія і Азербайджан абвінавацілі адзін аднаго ў новых абстрэлах
Арменія і Азербайджан абвінавацілі адзін аднаго ў новых абстрэлах. Папярэднія ўзброеныя сутычкі адбыліся ў ноч на 13 верасня. Ерэван паведаміў пра 49 загінулых вайскоўцаў, Баку — пра 50 ахвяр. Раніцай 14 верасня Мінабароны Арменіі паведаміла пра баі на армяна-азербайджанскай мяжы. Было заяўлена, што Азербайджан выкарыстоўвае артылерыю, мінамёты і буйнакаліберную стралковую зброю. Мінабароны Азербайджана заявіла, што гэта Арменія абстрэльвае пазіцыі азербайджанскіх вайскоўцаў.
Раней Арменія звярнулася да Расіі і іншых краін АДКБ з просьбай аб дапамозе.
