Асуджаны на "хімію" за ўдзел у пратэстах Кірыл Чарткоў пакінуў Беларусь
![Асуджаны на "хімію" за ўдзел у пратэстах Кірыл Чарткоў пакінуў Беларусь](/sites/default/files/styles/gallery_main/public/2023-08/photo_2021-09-29_14-33-20.jpg.webp?itok=DBxGvIt_)
Асуджаны на "хімію" за ўдзел у пратэстах мінчук Кірыл Чарткоў пакінуў Беларусь. Беларускім праваабаронцам стала вядома, што ён знаходзіцца ў бяспецы.
Чарткоў быў затрыманы 14 жніўня 2021-га. За "арганізацыю або актыўны ўдзел у групавых дзеяннях, што груба парушаюць грамадскі парадак" у верасні мінулага года яго асудзілі на тры гады "хіміі". Хлопца абвінавацілі ў актыўным удзеле ў пратэстах 11 жніўня 2020-га ў сталіцы.
Па версіі следства, на вуліцы Кальварыйскай ён перагарадзіў рух транспарту. Кірыл Чарткоў казаў у судзе, што на хвіліну спыніў тралейбус, каб ён саступіў шлях хуткай дапамозе.
У жніўні 2021 года праваабаронцы прызналі Чарткова палітвязнем.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.