Бабарыка пракаментаваў ліпеньскія арышты і ператрусы ў Беларусі
Палітвязень Віктар Бабарыка пракаментаваў ліпеньскую хвалю арыштаў і ператрусаў у Беларусі. "Дэманстрацыя сілы звыш меры — гэта дэманстрацыя слабасці, — сказаў ён 19 ліпеня на сустрэчы з адвакатам Наталляй Мацкевіч. — Пераможцы так сябе не паводзяць".
Экс-кіраўнік Белгазпрамбанка быў затрыманы ў чэрвені 2020-га і ад таго часу знаходзіўся ў следчым ізалятары дзяржбяспекі ў Мінску. З 6 ліпеня — у СІЗА № 1. У гэты дзень Бабарыка быў асуджаны на 14 гадоў пазбаўлення волі. З 15 ліпеня ён знаходзіцца на двухтыднёвым каранціне ў папраўчай калоніі № 1 у Наваполацку.
Віктар Бабарыка кажа, што адчувае сябе нармальна. Кнігі, якія ён прывёз у калонію, яму не дазволілі мець з сабой, таму чытаць цяпер няма чаго. Навіны палітвязень атрымлівае абмежавана, але ведае пра тое, што адбываецца.
Встреча с Виктором Бабарико, ИК-1, Новополоцк. Так и не поняла, почему «положено» говорить в трубку, когда все слышно и так. Но это уже не удивляет. Сразило простое открытие (он поделился): когда человек больше года может видеть только стены, радость - просто смотреть в окно.
— Наталья Мацкевич (@n_matskevich) July 19, 2021
