Беларус Антон Сарока забіў свой першы гол у чэмпіянаце Бельгіі па футболе
Беларускі форвард Антон Сарока забіў свой першы гол у чэмпіянаце Бельгіі па футболе. Паўгода таму ён перайшоў у бельгійскі “Лакерэн” і гэта быў яго першы матч у стартавым складзе.
Антон Сарока адзначыўся на 49-й хвіліне гульні 24 тура, дзе яго клуб гуляў супраць “Картрэйка”. Праўда, “Лакерэн” усё адно саступіў з лікам 1:2, прычым вырашальны гол прапусцілі тады, калі беларуса ўжо замянілі.
Усяго Антон Сарока правёў 14 матчаў за “Лакерэн”.
