Беларус атрымаў з Расіі пасылку з пісталетам
Мытнікі заўважылі зброю і боепрыпасы / t.me/customs_bel/
Беларус атрымаў з Расіі пасылку з пісталетам. Мытнікі ў аэрапорце прасканавалі адпраўленне і выявілі, што замест заяўленых прадметаў ("сантэхнікі") там знаходзяцца зброя і боепрыпасы. У пасылцы знайшлі пісталет у кабуры, два магазіны і 19 патронаў. Экспертыза засведчыла, што сігнальны пісталет быў перароблены, і яго прызналі стралковай агнястрэльнай зброяй.
Атрымальнік пасылкі затрыманы. Супраць яго распачата крымінальная справа за незаконнае перамяшчэнне зброі і боепрыпасаў праз мяжу. Далейшая распрацоўка затрыманага дапамагла, у выніку аператыўна-вышуковых мерапрыемстваў, знайсці на Міншчыне і Віцебшчыне стралковую зброю, тры дзясяткі складовых частак зброі і больш за 950 адзінак боепрыпасаў.
