Беларус разграміў капліцу ў аэрапорце Гданьска
Аэрапорт Гданьска / кадр з відэа
У Гданьску паліцыянты арыштавалі 27-гадовага грамадзяніна Беларусі, які разграміў капліцу ў мясцовым аэрапорце, піша PAP.
Малады чалавек зайшоў у капліцу, пачаў перакульваць і кідаць прадметы ў капліцы, выдзіраў старонкі з Бібліі. Ён пашкодзіў папскую кафедру, скрутак з выявай Яна Паўла II, драўляны алтар і падлогу, а таксама падстаўка для ўлётак. Шкоду ад яго дзеяннящ ацанілі ў 35 тысяч злотых.
Спачатку беларуса затрымалі супрацоўнікі бяспекі аэрапорта, а потым перадалі яго паліцыянтам.
Тэст паказаў, што ў арганізме маладога чалавека было 1,5 праміле алкаголю.
За пашкоджанне маёмасці нашаму суайчынніку пагражае да пяці гадоў пазбаўлення волі, а за абразу рэлігійных пачуццяў — да двух гадоў. Але пакаранне можа быць большым, бо справа мае хуліганскі характар.
