Беларус у кайданках уцёк ад літоўскіх памежнікаў на радзіму
На прапускным памежным пункце "Беняконі-Шальчынінкай" на беларуска-літоўскай мяжы беларус у кайданках уцёк ад памежнікаў, распавядае телеграм-канал "Граница FM".
Паведамляецца, што беларус зрабіў камплімент літоўйкай памежніцы, а тая адправіла яго назад на радзіму. Мужчына, які ўжо атрымаў штамп у пашпарце, вырашыў, што ён мае права быць у Літве і ўцёк у лес на літоўскім баку. Неўзабаве літоўскія памежнікі знайшлі яго, прывялі ў пункт пропуску, начапілі кайданкі і ўзялі пад варту. Калі ахоўнік адышоў, вязень адчыніў акно зубамі і пабег у Беларусь.
Пасля перамоваў паміж памежнікамі з мужчыны знялі кайданкі і вярнулі пашпарт. Цяпер яго чакае адміністрацыйны штраф.
