Беларусы і расіяне прапусцяць зімовую юнацкую Алімпіяду ў Паўднёвай Карэі
![У Паўднёвай Карэі юных атлетаў з РБ і РФ не будзе](/sites/default/files/styles/gallery_main/public/2024-01/mountains-1128464_1280.jpg.webp?itok=QCwxcHO-)
У Паўднёвай Карэі юных атлетаў з РБ і РФ не будзе / pixabay.com
Беларусы і расіяне прапусцяць зімовую юнацкую Алімпіяду, якая ў студзені-лютым пройдзе ў Паўднёвай Карэі. Пра тое, што нейтральных спартсменаў на ёй не будзе, заявілі ТАСС у Міжнародным алімпійскім камітэце.
Кваліфікацыйны перыяд на спаборніцтвы завяршыўся ў снежні 2023-га. Юныя атлеты з Беларусі і РФ, якія маюць нейтральны статус, адбор не прайшлі.
Зімовыя юнацкія Алімпійскія гульні стартуюць 19 студзея. На іх будзе разыграны 81 камплект узнагарод. У праграму ўваходзяць хакей, фігурнае катанне, лыжныя гонкі, біятлон, канькабежны спорт, кёрлінг, фрыстайл, гарналыжны спорт, бабслей, скелетон, санны спорт, сноўборд, скачкі на лыжах з трампліна, лыжнае дваябор'е і шорт-трэк.
![Беларусы і расіяне прапусцяць зімовую юнацкую Алімпіяду ў Паўднёвай Карэі](/sites/default/files/styles/default_image_paragraph/public/paragraphs/image/sddefault.jpg.webp?itok=oOVlN98p)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.