Біёлаг з Гомелю намаляваў партрэты Далі, Эйнштэйна, Дзітрых (фота)

У гомельскім універсітэце праходзіць выстава таленавітага мастака-біёлага Антона Маскальчука.   Ён — студэнт 5-га курса біялагічнага факультэта ўніверсітэта імя Ф. Скарыны, але ўжо некалькі гадоў захапляецца графікай.

Малюе Антон партрэты, плакаты і фотакопіі толькі пры дапамозе алоўка і гумкі. На выставе прадстаўлены 30 яго работ, сярод якіх партрэты Сальвадора Далі, Альбэрта Эйнштэйна, Марлен Дзітрых, Пятра Мамонава і іншых знакамітасцяў.