Больш за 1000 населеных пунктаў засталіся без электрычнасці 30 жніўня
Энергетыкі аднаўляюць падачу электрычнасці / "Мінскэнерга"
Непагадзь 30 жніўня пакінула без электрычнасці больш за 1000 населеных пунктаў, паведамляе прэс-служба "Белэнерга".
Увечары ў сераду на змену спёцы прыйшлі дажджы з моцным ветрам, парывы якога дасягалі 20-27 метраў за секунду.
Больш за ўсё ад стыхіі пацярпелі Мінская, Гродзенская і Віцебская вобласці.
Па стане на 6:00 раніцы 31 жніўня энергетыкі аднавілі падачу электрычнасці ў 909 пунктаў. Яшчэ ў 223 пунктах работы працягваюцца. Для некаторых аб'ектаў выкарыстоўваюцца перасоўныя генератары.
На аднаўленчых работах задзейнічана 650 чалавек і 269 адзінак тэхнікі.
