Без электрычнасці зранку 4 лістапада заставаліся больш за 220 паселішчаў
Рамонтныя работы на ЛЭП / Мінэнерга
Цыклон, які прыйшоў у Беларусь на выходных, пашкодзіў электрасеткі і пакінуў сотні паселішчаў без электрычнасці.
Як заяўляюць у Мінэнерга, парушэнні электразабеспячэння фіксаваліся пераважна ў Віцебскай і Мінскай абласцях. Найбольш пацярпелі ад стыхіі Полацкі, Расонскі, Верхнядзвінскі, Ушацкі і Гарадоцкі раёны. Моцны вецер валіў дрэвы на лініі электраперадачы і на апоры ЛЭП.
У ліквідацыі наступстваў непагадзі задзейнічаныя 98 аварыйных брыгад і 105 адзінак тэхнікі. Паводле звестак на 9 гадзін раніцы 4 лістапада, работы па аднаўленні электрычнасці працягваюцца ў 226 населеных пунктах.
Дарэчы, сёння ў Беларусі таксама захоўваюцца складаныя ўмовы надвор'я — дажджы і моцны вецер, парывы якога дасягаюць 21-24 метраў за секунду.
